I april 2024 vart det ein tur til Sunnmøre. Tafjord har til tider figurert som varmaste staden i Noreg. Det ligg inne i ein fjord og er enden. Du må snu tilbake om du vil vekk frå Tafjord. Kort og godt ein blind veg som ikkje er vanleg å vitje på veg til noko anna.

Å kjenne Noreg har vore noko som eg har fokusert på dei siste 8 åra. Ein kik på Tafjord var på planen i det flotte vårveret. Starta heimefrå, men skal ikkje kjede dykk med turen opp til Nordfjord og Loen. Neste mål var ferjekaien på Stranda, men ein stopp innom Helsetkopen var noko eg ville få med meg. Helsetkopen er fjellet Tom Cruise hoppa utfor på motorsykkel for nokre år sidan i filmserien Mission Impossible. Fjellet er imponerande. Effektane i filmen er så dårlege at det ikkje går an å maskere ut ramper og korleis hoppet var gjort. Har problem med effektar der ein skal gjere noko stort, men ikkje tek inn over seg avgrensingar i teknologien som skal få deg til å «lure» tittaren til å tru dette er ekte.

Etter ein liten avstikkar vart det retur til Hellesylt for å halde fram turen til Strandaa ferjekai. Pizza Grandiosa er synonymnt med Stranda. Ein liten ferjetur og du kan halde fram turen inn til Tafjord. Tunellar er det nok av, takka vere kraftutbygging. På vegen passerer du Valldal, starten for vegen over Trollstigen til Åndalsnes. Noterer meg at den vegen er det lenge sidan eg har køyrt og må på planen min. Dessverre har det vore ras og stenging som har forhindra meg for å ta turen tidlegare.

Når du er i Tafjord, ein kraftkommune, må du ta turen opp i dalane og sjekke ut Zakariasdammen med meir. Flotte områder som du kan ta ein fot- eller skitur i.