Prisane har nesten dobla seg sidan eg droppa av Microsoft. Når eg abonnerte på Microsoft 365 Familie, omfatta det 6 brukarar/kontoar som fekk kvar sin 1 TB, totalt 6 TB samla lagringsplass. Ypperleg for mine mengder med data fordelt på 6 ulike brukarar. No har Microsoft teke vekk 2/3 av den gamle lagringskapasiteten og ein sit att med fattige 2 TB på eit familieabonnement. Inflasjon saman med krympflasjon snik seg inn overalt.
Cruisekai og seawalk for å ta i mot tusenvis av turistar per cruiseskip. For det første er ikkje Sogndal sentrum dimensjonert for å f.eks. sende buss på buss mot Jostedalen eller Fjærland for brerelaterte opplevingar. Eg var i Honningsvåg i sommar og såg denf omfattande bussingar av turistar til/frå Nordkapp. Sogndal vil aldri få tilsvarande kapasitet i sjøkanten med mindre noko forsvinn.
For det andre: Skal turistane svime rundt i Sogndal sentrum, kan ein berre gløyme å kome seg gjennom Gravensteinsgata. Det vil knapt bli opphald i straumen av folk over gangfelta og trafikken vil stå heilt til Fardal. Har sjølv opplevd i seinsommar at trafikken står heilt ut og inn i Stedjebergtunellen fordi dei trafikkale løysingane gjennom Sogndal ikkje greier å ta unna dagens pendlar og turisttrafikk. Om dette skjer blir det vel til at eg tek Vikafjellet og Hardangervidda om eg skal austover om sommaren.
Fint med gode idear, men har de tenkt dette godt gjennom? Cruiseturistar har alt dei treng ombord (rom og losji) inkludert i prisen. Berre småpengar blir lagt att lokalt til ulike nips og ting som er produsert heilt andre plassar enn lokalt, i Noreg, Norden eller Europa.
Alt Sogndal (og reisane) vil sitje att med er eit gigantisk trafikkalt problem og ikkje minst svermar av turistar som vil gå dei smale gatene i Fjøra for å ta bilete og video både innafor og utafor eventuelle gjerder. Det blir postivt for dei fastbuande vil eg tru….
Denna veka har ein edderkopp fanga interessa mi. Det er haustlege temperaturar ned på einsifra plussgrader, men edderkoppen spinn sitt spinn i håp om å fanga noko. Kamera på huset har fanga opp rørsla om natta gjennom veka. I førstninga fjerna eg spinnet, men kvar natt kom det tilbake. Til slutt vart «Lille Petter Edderkopp» morgonunderhaldninga saman med kaffikoppen.
Spinninga er imponerande og måten han samlar gamal tråd for å bygge nytt fangstnett er imponerande. Etter oppsamling ordnar han på eller lagar nye forankringstrådar før han går i sirkel frå ytterkant til senter med ny tråd. Som du ser på klokka i videoen tek det litt tid frå edderkoppen startar til meisterverket er tilbake i all si prakt.
Apple Intelligence/Siri tek opp over 31 GB av 256 GB på min MacBook Air under MacOS 27. I mitt daglege virke har eg aldri nytta Apple Intelligence med unntak av sporadisk testing. Eg ser heller ingen behov for å bruke det seinare. Vil eg finne ut av noko lit eg aldri på KI. Alt på sjekkast ut opp mot etterrettlege kjelder. Har i testar opplevd at KI blandar saman løysingar og ein kan fort ende ut med ei løysing som f.eks. ikkje passar mitt utstyr eller problem.
Eg har eit ønskje om at Apple legg til rette for å kunne fjerne Apple Intelligence på ein enkel måte. Slik det er no får eg ikkje att lagringsplassen om eg slår av Apple Intelligence. Plassen spart ved å fjerne Apple Intelligence kan betre brukast til mine eigne data.
Oppdaterte for eit par dagar maskina til MacOS 27 og lurer på om versjonen har ei fått seg ei lei lus. Appar legg seg på ulike skjermar eller i same skrivebord. Problemet er om eg klikkar på ein app i «dock», vil ikkje MacOS automatisk flytte seg til appen og gi han fokus. Eg må sjølv finne kor appen har opna seg eller ligg aktiv.
14.9 vart det nok 250 km i bilen fram og tilbake til/frå forhandlar i Førde. På «menyen» stod utbetring etter tilbakekallinga på setebeltefesta, siste del av fiks knirking i kupe, sjekk av klimaanlegg samt sjekk av kondens i ny spoiler. Heldigvis har problema med Apple CarPlay blitt veldig mykje redusert i løpet av dei siste iOS-oppdateringane. iOS 26.6.x-serien rydda opp det aller meste.
Setebeltefesta og fotplate som knirka er skifta. Undersøkinga av klimaanlegget viste at systemet mangla 2/3 av gassen og forhandlar meinte at det var kompressoren som var årsaken til lekkasjen. Dei ville ta kontakt med meg når dei visste leveransetid på delen.
So kjem det som overraska meg. Eg dokumenterte og delte fleire bilete av kodens i ny spoiler. Når eg skulle hente bilen, plinga det opp ei melding på telefonen om betaling av kr 375 (300+mva). Snakka med kundemottak og det var visst minstetakst på feilsøking. I dette tilfelle hadde forhandlar ikkje greidd å stadfesta mine funn som eg dokumenterte og delte med dei.
Vel, tenkte eg med meg sjølv. Dette er eg ikkje einig i, men eg valde å tige og betale. Kr 375 veltar ikkje budsjettet mitt. Tenkte at eg får krevje det refundert det når/om lykt i spoiler må skiftast for andre gong. Har vore ute for at dei ikkje greidde stadfeste kondensen i 2024 i gamle lykta som blei skift tidlegare i år.
Vart merksam på utfordringa rundt LG-TVar før sommaren. Såg over avtalar LG bad meg akseptere i innstilligane til TVen og vart uroa. Eg har ikkje den mest avanserte LG-TVen, men han kan brukast til å sjekke kva eg ser på ved gjenkjenning av det som blir vist. Dei meir avanserte har mikrofon som gjer at TVen kan kome til å lytte til deg lenge.
Etter å ha gått gjennom avtalane i bilete over har eg valt å berre akseptere berre ein avtale som må til for å bruke TVen. Alt anna har eg ikkje godkjent. Er du meir skeptisk enn meg, kan det vere lurt å ikkje kople LG-TVen til internett og heller bruke ein anna TV-boks som mediasenter. Berre kople til TVen sporadisk til internett for å oppdatere programvaren. Aller helst gjer det med kabel slik at TVen ikkje tek vare på passordet til eit trådlaust nettverk. Alternativ kan det vere eit separat trådlaust nettverk som er slege av før og etter oppdateringa slik at TVen aldri kan nå noko eksternt.
Gamer Nexus og Level1Techs, to ekstremt dyktige og tekniske kyndige kanalar, har gått djupna på LG sine TVar. Her kan du få med deg 2 timar og 15 minutt med grundig detektivarbeid.
Om 2 timar og 15 minutt med mykje teknisk engelsk blir for mykje av det gode, kan du heller ta ei kort oppsummeringa frå Nikka Systems Sverige (på svensk):
Om du trur berre LG spionerer på deg, tenk om. Nei, det virkar som om det er eit opplegg for å kunne levere ein rimeleg TV som nett som gratis-tenester på nettet kartlegger deg for mellom anna servere deg relevante annonser. Når du kjøper ein billig TV, er du produktet.
Tilbake til Gamer Nexus og Level1Techs og LG sin tilbakemelding på deira undersøking. Kort og godt er dette ikkje eit tillitsvekkande svar frå LG. Når dei vert tekne med buksa nede, seier dei at det ikkje er sant. Liknar mistenkjeleg på kva andre gjer i dag, men Gamer Nexus og Level1Techs er klare i sitt svar.
Deja Vu. Hadde problem med kondens inne i lykta på spoileren sidan 2024. Fekk bytt på garanti lykta i sommar. Den 10.9.26 slengde eg eit blikk på den nye spoileren og jammen har ikkje den nye lykta fått kondens i seg. Blir nok ein runde med å få skifta lykta ut på garanti igjen. Er absolutt ikkje nøgd med kvalitetskontrollen hos Hyundai. Dette er ikkje det eg forventa når eg kjøpte bilen.
De vil at eg som bilist skal vise omsyn. Når de kjem til vegstrekker med gang- og sykkelveg jamsides, vel de vegen for bilar. I dag kom eg etter eit feminint innslag som holdt 25 km/t i ei 60 km/t-sone. Med motgåande trafikk var det vanskeleg å koma forbi. La meg sei det krystallklart, utan nokon form for filter:
De, syklistar, gir absolutt faen i alt og alle. De forventar at alle andre skal ta omsyn til dykk. Omsyn andre vegen er totalt framandt, du er unik og gjer som du vil.
Ja, eg syklar eg òg, men i motsetnad til deg, nyttar eg gang- og sykkelveg når det er tilgengeleg. Eg kan halde god fart på rett, flate strekker, gjerne opp mot 50 km/t i korte periodar. Men eg vel å vise omsyn når eg møter og passerar andre og senkar farten godt. Det viktigaste omsynet eg tek er at eg ikkje er til hinder for trafikk som kan køyre langt fortare enn korkje eg eller du kan sykle. Når det er sagt kan eg legge til at syklar eg på bilveg, køyrer eg raskt ut på busshaldeplassar, innkøyrsler eller andre lommer for å sleppe bilen eller bilane bak fram så raskt som mogleg. Det blir greie intervalløkter av å stoppe for så å kome seg opp att i fart. Meiner eg ein gong i tida lærte eit ordtak:
Gjer mot andre det du vil dei skal gjera mot deg.
Hausten 2025 skreiv eg mi meining om til då siste akt i soga om Harastølen. Knappe året etter har skriv Sogn Avis at Harastølen er i økonomisk uføre. Ting har ikkje gått som planlagt. 33 ulike krav på til saman i overkant av kr 300 000 har gått til inkasso.
Eg står framleis fast på det eg har sagt heile tida: Det vil ALDRI bli noko økonomisk levedyktig på Harastølen!
