Returen starta tidleg frå Narvik i flott ver. Ifjor gjekk returen frå Finnmarksvidda nedover Finland til Bottenvika, nedover Sverige før vestover mot Noreg. Å køyre sørover på E6 har vi ikkje gjort tidlegare.

Første etappe går til ferjekaien på Skarberget der vi får ein pause over fjorden. Vel i land på Bognes tek ein fatt ein lang etappe til Fauske. Opp og ned og sving i sving, nett som på Vestlandet. Sidan vi satsa på å prøve å ta turen heim på to dagar, satsa vi på å koma så langt som mogleg første dagen. Vi holdt då fram til Mo i Rana for lading og lunsj. For å få ein litt lenger pause, sikta vi oss inn på Tesla-ladarane. Hyundai Ioniq 6 har 800 volt-arkitektur, og på 400 volt-ladarar ladaren den med maksimalt 100 kw. Greitt å få pause i 30 minutt i stadenfor 20 minutt på ein ladar som kan levere 300+ kw.

Etter mat og lading var det å setja seg i bilen køyra mot Mosjøen og over Saltfjellet. Trafikken tok seg til utover dagen og naturlegvis kom vi etter eit «fantafølgje» med campingbilar opp Saltfjellet. Dei holdt sitt eige tempo og anten såg dei ikkje i speglane eller så hadde dei lagt att viljen til å sleppe småbilane forbi. Med tolmod og list fann vi nokre stadar vi kunne forsere den proppen.

Lenger sør køyrde vi inn i eit regnvern som ikkje påvirka oss allverden. Mykje kom midt i eit vegarbeidsområde og påvirka ikkje farten vesentleg. Sikta oss inn på Ionity-ladaren på Namsskogan, men der fekk vi trøbbel. Fann ikkje ut av det på staden så det vart litt att og fram før vi køyrde mot Brekkvasselv og lada på Eviny. I etterkant viste det seg at eg antakeleg i løpet av turen hadde slege på innstillinga autocharge som gjorde at det balla seg med ladarane til Ionity.

La inn eit litt ekstra støt sørover og rulla inn i Malvik med omlag 900 km på teljaren. Vi kjende at det var vel langt, men såg fram til ein forholdsvis kort køyrdag neste dag. Middag på hotellet og ei god natts svevn venta.