Det vart ein tidleg start på dagen. Når ein er i nærleiken av Polarsirkelen, er det ikkje veldig mørkt om natta. Fann ut at det var ikkje vits i å kjempa med å somna til att. Var lys vaken og klar for transport lenge før hanen gol. Med tidleg start fekk ein også sett tåka og disen over området samt morgonen som gryr. Det var stilt og fredeleg på vegane. Berre eg og reinen samt nokre pendlarar. Hadde ingen planar på kor langt eg skulle kome ved starten av dagen. Eit av måla med turen var å kome meg tett opp mot russsargrensa, tilsvarande i Nord-Noreg i 2023.

På turen levde landet opp til kallenamnet «dei tusen sjøars land». Naut køyreturen og stoppa når eg hadde trong for det. Fantastisk å vere på tur med elektrisk bil. Lange etappar kan det bli, men ein får naturlege stopp på vegen.

Når eg nærma meg der hovudvegen ligg nærast russargrensa, tok eg av og køyrde grusveger langs elva og grensa med Russland. Her var det sprett landbruksområde. På siste stopp i Pajarila sikta eg meg inn på Helsinki. Motorvegar tok meg kjapt inn til litt utfor sentrum. Ei siste lading på Ionity før eg køyrde til eit flyplasshotell. Orka ikkje bale med parkeringsplass i sentrum av Helsinki. Slappa av utover kvelden på hotellet og tok det med ro. Somna tidleg og det var godt, eit flyplasshotell sover aldri. Meir om det i neste posting.