Alle skal ha lik tilgang til offentleg informasjon

Arild BjørkKommenter innlegget

Regjeringa har vedteke å satse på opne standardar:

  • HTML skal vere primærformatet for publisering av offentleg informasjon på Internett.
  • PDF (1.4 eller nyare eller PDF/A – ISO 19005-1) er obligatorisk i tilfelle der ein ynskjer å ta vare på opphavleg utsjånad på eit dokument.
  • ODF (ISO/IEC 26300) skal brukast til å publisere dokument som skal kunne endrast etter at du har lasta det ned, til dømes skjema som skal fyllast ut av brukaren.

Krava vil tre i kraft 1. januar 2009 for statlege verksemder.

Informasjon skal ikkje vere avhengig av at du må kjøpe programvare for 1000vis av kroner. Skjemautfylling kan skje i pakkar som støttar Open Document Format. I dag gjer StarOffice, OpenOffice og Lotus Symphony dette. Dei to siste pakkane er gratis, medan den første kostar nokre få kroner. Har du ein Google-konto får du StarOffice i engelsk versjon, men med norsk stavekontroll tilgjengeleg, gratis med Google Pack. Pakkane inneheld all kontorprogramvare du treng: teksthandsamar, rekneark, presentasjonsverktøy, database (StarOffice og OpenOffice) med meir. Pakkane er fullverdige Word-, Excel- og Powerpoint-erstattarar. Databasen er pr v 2.3.1 i enklaste lage med omsyn til import og eksport, men fungerer greitt til eigenutvikla databasar eller som brukarfront for andre databasar.

Gratis anti-virus

Arild BjørkKommenter innlegget

Det er fleire år sidan Norman og Symantec (Norton) miste meg som fan. Norman hadde store problem med minnebruk, som no skal vere retta. Symantec set opp eit eller anna som er kul umogleg å finne ut av utan å bruke timevis på å setje seg inn i detaljar. For ikkje snakke om alt maset om ditt og datt. Nei, det enklaste er som oftast det beste. Skulle du ønskje å kjøpe lisensar hjå dei som tilbyr gratis versjonar, er prisane langt rimlegare enn hos dei to nemnde som vi vanlegvis får når vi kjøper maskin eller internettabonnement.

Pass på lisensreglane. Som oftast er lisensen avgrensa til personleg eller privat bruk. Næringsdrivande og selskap MÅ kjøpe lisensar.

Online anti-virus scanners

Arild BjørkKommenter innlegget

Det er så mykje tvilsom programvare ein risikerer å få inn på maskina, at eg har lagt ut lenkjer til online anti-virus scannerar som har vore til stor hjelp når eg har rensa maskiner for virus og trojanske hestar.

http://housecall.trendmicro.com/
http://www.f-secure.com/en_EMEA/security/tools/online-scanner/
http://www.bitdefender.com/scanner/online/free.html
http://www.kaspersky.com/virusscanner
http://home.mcafee.com/Downloads/FreeScan.aspx
http://www.pandasecurity.com/activescan/index/?track=100717

Ganging

Arild BjørkÉin kommentar

Jentene er i tredje klasse og eg ser matematikk som eit område det er viktig å styrke seg på. Eg har laga til eit rekneark som generere ekstra oppgåver dei får å bryne seg på. Er du interessert, kan du hente reknearket i Microsoft Excel-format her:

I fana Rettleiing set du inn minste og største tal som skal brukast. Oppgåvene, klare for utskrift, finn du i fana Oppgåver. Kvar gong du opnar fila vil det bli generert nye oppgåver. I Microsoft Excel kan du lage nye oppgåver ved å trykkje tasten F9.

Pluss og minus

Arild BjørkKommenter innlegget

Jentene er i tredje klasse og eg ser matematikk som eit område det er viktig å styrke seg på. Eg har laga til eit rekneark som generere ekstra oppgåver dei får å bryne seg på. Er du interessert, kan du hente reknearket i Microsoft Excel-format her.

I fana Rettleiing set du inn minste og største tal. Oppgåvene, klare for utskrift, finn du i fana Oppgåver og er lagt opp slik at ein ikkje vil få negative tal. Dei passar for ungar i barneskulen før dei lærer om negative tal. Kvar gong du opnar fila vil det bli generert nye oppgåver. I Microsoft Excel kan du lage nye oppgåver ved å trykkje tasten F9.

Tur: Heimste Trastadalen

Arild BjørkKommenter innlegget

13.10.2007 tok eg på meg støvlane og gjekk til heimsta Trastadalsvatnet for å sjå meg om og vurdere om turen let seg gjere for ungar på 6 til 9 år neste sommar. Eg har tenkt på å leige hytta til Jakt og Fiskelaget å ta nokre dagar i høgfjellet sommaren 2008.

Veret var tungt og skydekke var lågt. Eg starta heimanfrå. Det er pur luksus å kunne starte ein lang fjelltur frå sitt eige hus. Turen gjekk fram Henjadalen fram til Flya på traktorveg. På Flya må ein krysse elva til stølsområdet på austsida og gå på sti framover mot Nyastøl. Det har regna mykje i haust og det er tungt og vått å gå. Når ein kjem fram tll Nyastøl, kan ein velje å gå ein litt kortare veg om Åsenosi eller ein kan gå opp til Pipehaug før ein snur framover i retning Trastadalen.

Etter kraftutbygginga følgjer du grusveg heilt fram til Traståna. Du kryssar ikkje elva, men går opp ryggen på høgre sida av vassinntaket. Her skal du kunne kome inn på den gamle stien til Pipehaug, sjå historiske bilete under.

Historiske bilete frå før kraftutbygginga

Bileta er tekne på heimveg og startar difor ved heimsta Trastadalsvatnet og går ned til Nyastølen om Pipehaug. Turen til heimste Trastadalen er delt i fleire deler:

  1. Henjadalen til Flya
  2. Flya til Åsenosi til og med bilete 47 der stien ikkje går over brua, men høgre opp til Pipehaug.
  3. Heimste Trastadalen ned mot Nyastøl.

Val av musikkformat for berbare spelarar

Arild BjørkKommenter innlegget

Nedlastbar musikk og berbare musikkspelarar er svært populære. Eg har ein eldre modell som eg er godt nøgd med. Para med Sennheiser-klokker og musikk i eit optimalt format, er det ein fryd å gå seg ein tur etter vegen eller i skog og mark med «musikksamlinga på slep».

For eit par år sidan gjorde eg ei vurdering på kva for format eg skulle bruke til å gjere musikken best mogleg tilgjengeleg for dei berbare musikkspelarane. Hovudfokuset mitt var eg ville stå fritt til å kjøpe den spelaren eg syntes var best eller kom best ut i testar. Eg vurderte WMA og MP3, men det same vil gjelde for AAC som iPod og få andre spelarar brukar.

Kanskje mi vurdering innheld nokre tips som kan vere til hjelp for deg? Lenka til ho er her: WMA eller MP3.

Gratis sikring av berbar

Arild BjørkKommenter innlegget

Berbare maskiner er rimelege og populære. Ein dreg dei med seg over alt. Risikoen for å miste ho eller at ho blir stolen er vesentleg høgare enn for ei stasjoner maskin. Med tap av maskin følgjer tap av data. Er du som dei fleste, vil dine data vere opne og tilgjengelege for dei som startar maskina. Sjølv med passord på kontoen og konto oppsett som privat i Windows er data ikkje låst mot dei rette verktøya.

Verksemder og offentlege etatar betalar for programvare som krypterer heile disken. Data er sikra sjølv om maskina går tapt. Den som prøver å undersøke disken vil sjå han som uformatert og fyllt med tilfeldige data. Som dei fleste har ikkje eg lyst til å betale meir enn det som er nødvendig og har funne fram til ei løysing som er gratis for privat og for verksemder:

CompuSec

Før du installerer bør du passe på nokre ting:

  1. Du MÅ ha administrative rettar til systemet. (Vanlegvis køyrer dei fleste Windows frå ein konto med administrative rettar.)
  2. Køyr ein disksjekk slik at du får retta evt. diskfeil.
  3. Slå av anti-virus i BIOS (Vanlegvis er dette avslått.)
  4. Slå av anti-virusprogramvara i Windows før du installerer.
  5. Ikkje køyr anna programvare når du installerer.
Programmet er fullpakka av funksjonar, men du treng ikkje installere meir enn:
  • Pre-boot authentification
  • Hard disk encryption

Dersom du har fleire maskiner, kan du bruke dei same krypteringsnøklane på alle maskinene. Ein krypteringsnøkkel er ikkje det same som passord. Du kan ha forskjellige passord for kvar maskin. Passorda fungerer som ein sjekk på at du har lov å bruke krypteringsnøkkelen. Installer CompuSec på den eine maskina og ta vare på fila securityinfo.dat. Under installasjon på maskin nummer 2, 3 osv passar du på importere «Hard disk key». «Diskette key» og «Removable media key» frå den første securityinfo.dat. Fordelen er då at du kan kryptere eksterne diskar med den same nøkkelen slik at du kan sikre desse og flytte dei mellom maskinene. Berre pass på å ta vare på alle securityinfo.dat-filene. Dei treng du når du skal fjerne diskkrypteringa.

Eg har brukt programmet sidan versjon 4.16 SP3 og det har aldri vore problem med heng, kræsj eller systemhavari.

Nytt innhald på plass og nye idear

Arild BjørkKommenter innlegget

Det blir fleire offentlege album. Eg har tenkt å legge ut bilete og informasjon om fjellturar i lokalområdet. Eg kjem til å legg opp kart slik at ein får eit inntrykk av ruta som er gått. Leikanger gir store moglegheiter for frilutsliv både sommar og vinter. Eg kan ta på meg fjellskorne heime og etter ca 3 timar kan ein vere oppe i 1300 – 1500 meters høgd. Sommaren er beste tida for lange fjellturar, men dei som likar seg om vinteren har like bra vilkår. Om sommaren er det er lagt ut mange turpostar i fjellet. Eg er ikkje slave av desse og tek gjerne ein tur der eg ikkje har gått før. I år har eg mellom anna vore i Trastadalen, opp til vatna som Fatlaelva renn frå, Stav og gått Moldbakken ved Havrane over Mjellhaugane til Hangsete og ned att på Njøs.

Har fått testa ut litt forskjellig funksjonalitet med Spaces og har valt å legge opp lenkjer til nettstadar som eigendefinerte html-modular. Desse har ei avgrensing på 2048 teikn, men i forhold til å bruke lister er det mykje enklare sidan eg har kjennskap til html. Eg hadde håpa eg kunne bruke JavaScript som eg kunne lenke inn frå andre serverar, men det kan sjå ut til at dette ikkje kan gjerast av tryggleiksgrunnar. Eg håper listefunksjonaliteten blir betre. Det hadde det vore mogleg å importere excel-rekneark eller tabulator eller komma-separerte filer hadde dei blitt enklare å legge opp og vedlikehalde. Hadde ein kunne valt korleis ein skulle presentert listene som t.d. utvidande lister eller nedtrekkslister, ville det har gjort det mindre monumentalt enn at ein skal presentere rubbel og bit i lista med ein gong.

Oversikt over favorittspel er på plass

Arild BjørkKommenter innlegget

Dataspel har eg alltid vore interessant og det ser ikkje ut som om eg skal greie å vekse det av meg, heller. Eg fekk mitt første dataspel rundt 1980, eit Phillips G7000. Hugsa dei skraut på nokre av kassettane at dei var utvida med 2 eller 4 kB. Det var tider det. Ferda gjekk vidare om Spectrum med t.d. Atic Atac og Commodore 64 med karateklassikaren The Way of the Exploding Fist. Det vart ein liten pause i spelinga mellom slutten av 80-talet og midten av 90-talet då eg investerte i min første IBM PC, men sidan har interessa teke til att.

Strategispel med kampar som utviklar seg over lang tid er ikkje noko for meg. Nei, eg må ha action, fart og spenning. 3D-actionspel er favorittane mine. Eg har vore innom det meste frå og med dei gamle Wolfenstein, Spear of Destiny og Doom. Bilspel er òg blant favorittane mine. Ikkje tunge seriøse som t.d. Microprose Grand Prix-serien, med finjusteringar og tilnærma 100% realisme. Nei, ei lett blanding av realisme og moro må det vere.

Sommaren 2002, året Per kom til verda, vart det heller dårleg tid til speling, men interessa byrja å vakne til livet for ei stund sidan. Har ein Xbox, men han står og støvar ned. Eg har vore gjennom eit nokre få spel som t.d. Halo og Need for Speed Hot Pursuit II, men har nok ikkje fått heilt taket på kontrollarane. Tastatur og mus er og blir best i spel. I vår plukka eg fram ein gamal klassikar; Far Cry. Ulempa er at slike spel krev meir av grafikkortet enn det eg hadde i utgongspunktet. Fekk oppgradert til eit Geforce 7600GS som gav ei heilt anna oppleving av spelet. Har for 1 veke sidan byrja på Half Life 2. Har kome eit stykke og storkosar meg. Ei god historie og rimeleg fritt spelerom med masse utfordringar er skikkeleg morosamt.

Pr. 08.11.07 har albumet med favorittspel eit historisk sus. Det nyaste spelet som er lagt inn er Soldier of Fortune II.