Start i Eitorn, eitt par kilometer frå Hella ferjekai. Følg kjerrevegen mot Eitun. Litt oppi er det skilta utover mot 17. maihaugen. Haugen ligg på ei flate, litt vest for Kvinnefossen, om lag på same høgde som gamletunet i Eitun. Namnet har plassen fått sidan grendi feira nasjonaldagen her.

På framsida er det planta ein halvsirkel med gran, og bak stig terrenget slakt skrånande oppover og lagar eit naturleg amfi. 17. maihaugen var tidlegare om sommaren ein samlingsplass for ungdomen der dei dreiv med folkeviseleik og hadde hytteleg samvær.

Fredsdagane i 1945 var der stor fest i grendi. Ein feira freden med rømmegraut, tale og song. I nyare tid har deg òg vore halde friluftsgudsteneste på 17. maihaugen.