I juli 2014 kulminerte min irritasjon med at stilte Google spørsmål om når Google Docs fekk støtte for nynorsk. Det er ikkje nøye om menyar er nynorsk, men ein god stavekontroll kan til tider vere til god hjelp. Eg påpeika at deira konkurrent Microsoft Office Online støtta nynorsk og var einaste alternative for 1/2 til 3/4 million brukarar. Svaret eg fekk frå Google var at det var på planen, men dei hadde ikkje noko tidspunkt for når nynorsk vart implementert.

Reint tilfeldig oppdaga eg for eit par veker sidan at nynorsk hadde snike seg inn som språkalternativ hjå Google. Eg tenkte ikkje meir over det før eg i dag kom på at eg burde teste om nynorsk stavekontroll var tilgjengeleg i Google Docs.

Det er med stor glede eg kan stadfesta at no er Google Docs jamnbyrdig språkmessig med Microsoft Office Online. Google Docs har fått nynorsk stavekontroll:

Det er nokre månadar sidan Stagefright vart varsla og stadfesta. Eg har ein Samsung S4 Active. Det er enno ikkje komen ei oppdatering som rettar svakheita.

Vi er snart i oktober, 4 månadar sidan svakheita vart stadfesta. Samsung S4 Active er ein 2 år gamal modell, men det var ikkje ein billeg telefon i bruk-og-kast-sortimentet. For dyre modellar må ein kunne forvente at produsenten tek grep og rettar feil så raskt som mogleg. Eg veit at Samsung S5 er oppdatert og får berre håpe at S4-serien ikkje blir gløymt. Spesielt viktig er det å få retta dette når angrepskoden er slept laus. Uansett, automatisk nedlasting av MMS er deaktivert for å unngå overraskingar.

Her kjem ei oppdatering av saka om den gamle Fujitsu Siemens Scaleo Pi 2662 eg ville ha over på Windows 7 og vidare til Windows 10.

Eg diskukterte problemet mitt med nokre kollegaer og fekk forslag om å deaktivere lydkort eller nettverskort i BIOS. Eg holdt ein knapp på å deaktivere nettverkskortet, sidan eg meiner ein kunne kople saman maskiner med FireWire.

Først ut var deaktivering av lydkortet i BIOS, som eg hadde minst tru på. Etter at Windows 7 hadde starta, gjekk eg over Enhetsbehandling eit par, tre gonger. 1394-referansen var søkk vekk. Eg sette i gong oppgraderinga til Windows 10 og no var det ingen problem. Under prosessen lurte eg på om eg måtte kjøpe eit lydkort til maskina, men når Windows 10 var ferdig installert var det lyd. Ikkje i min villaste fantasi kunne eg tenkt meg at det å deaktivere lydkortet i BIOS slo av FireWire-kontrolleren. Klart språk er det ikkje.

Eg har ein gamal travar ståande, ein Fujitsu Siemens Scaleo Pi 2662. Ho vart kjøpt inn i 2008 for redigering av film i AVCHD med Intel Core 2 Q6600 (Quad Core), Ho ber sin alder med verdigheit, som ein godt trent pensjonist. Over tid har ho fått eit par oppgraderingar som SSD og eit Nvidia Geforce GT650, men Windows Vista dreg på åra.

Komplett selde ut Windows 7 til ein rimeleg pris og eg såg mitt snitt til å gå via Windows 7 og så til Windows 10 gratis. Det viste seg å by på større utfordringar enn forventa med eit hovudkort av MSI G31-familien.

Første forsøk med rein installasjon frå DVD hang seg opp heilt på slutten. Alt skal vere så pent når du installerer Windows. Ein får ikkje mykje meldingar om kva som skapar problemet. Av gamal erfaring med bygging av PCar, gjekk eg over BIOS og prøvde alskens innstillingar, men det virka ikkje. Maskina hang på same punkt under installasjonen. Eg la tilbake diskbilete med Windows Vista eg hadde teke med CloneZilla og prøvde ei oppgradering derifrå utan hell. Eg prøvde Windows 10 rein installasjon, men der hang det med ein gong og kunne ikkje vorte verre.

Siste forsøk måtte gjerast via VirtualBox. Eg oppretta ei virtuell maskin med rett innstilt diskkontrollarar og installerte Windows 7. Når det var gjort, tok eg diskbilete med CloneZilla. Diskbilete la eg inn på Fujitsu Siemens Scaleo Pi 2662 og starta ho. Som forventa starta ho med å installere drivarar sidan maskina ikkje er heilt lik maskina VirtualBox. På eit punkt hang ho. Eg restarta og tok eg opp boksen som viser kva for drivarar som vert installert. Syndaren var FireWire-kontrollaren. Når maskina skulle ha på plass 1394 OHCI-drivaren hang ho. Eg restarta til sikker modus og deaktiverte kontrolleren i Windows Enhetsbehandling. Ved omstart til vanlig Windows 7 var alt såre vel. Eg har fått på plass alle andre drivarar, aktivert Windows 7 og oppdatert det til dags dato.

I etterkant ser eg at dette er eit kjent problem. Her er ei lenke som omtalar akkurat det same. Windows 7 installerer 1394 OHCI Compliant Host Controller, men skulle installert 1394 OHCI Compliant Host Controller (Legacy). Ein ting som er sikkert er at eg skal vere nøye på å ta eit nytt diskbilete når eg skal oppdatere til Windows 10. Eg har notert meg at Microsoft har ein drivar som skal støtte maskinvaren, men eg veit ikkje om eg kjem til å bruke den. Kven har bruk for FireWire i dag?

Det er hjelper lite om du knuser maskina og so viser det seg at disken er intakt. Å starte maskina med USB eller CD/DVD med spesialprogramvare er ikkje noko for hvermansen. I tillegg har produsentane gjort det verre med implementering av UEFI og Secure Boot som skal sikre Windows betre mot skadevare. Som Clarkson er eg stor tilhengar av at mykje kan fiksast, eller i dette tilfelle, øydeleggast med hammar.

Skal du kaste ein berbar, finn fram ein liten skrutrekkar. Ta ut batteriet. Lokaliser luka med symbol som ser ut som nokre plater over kvarandre. Skru av luka og (eventuelt) skru laus ramma med disken. Kople disken frå maskina.

I det første bilete peikar skrutrekkaren mot symbolet eg nemde over. I det andre bilete har eg teke disken ut av rommet og kan koble frå kabelen. På andre maskiner kan ramma vere skrudd fast, men då er det å løyse eit par skruer og skyve disken bak, frå koblinga.

Når disken er ute, gi han ein solid omgang med hammaren mot ein stein/noko hardt. Ikkje ver beskjeden. Eit par ekstra slag gir meir skade. Den skal vere godt maltraktert!

Frå ungane var små har det vorte mykje videoopptak. Etter kvart som dei har vokse til har det vorte mindre og mindre med opptak. Dei er ikkje like interessert lenger i å kome på kamera, men har stor interesse av å sjå tilbake på klippa då dei var småbarn. Sidan bruken av video har minka, har eg valt å ikkje oppgradere maskinressursane. Det har kort og godt ikkje vore behov. For mine sporadiske opptak har rimeleg maskiner vore tilstrekkelege.

Men så fekk eg oppdraget med å redigere video for fotballaget til jentene under Sør Cup. Då merka eg at maskina mi vart tungpusta av videofiler i AVCHD på kampar som varte i 2 x 20 minutt. Det var berre å smørje seg med tålmode og få jobben gjort. Generering av video med Pinnacle Studio 15 i full HD i MP4-format gjekk unna på 5-7 bilete i sekundet etter at rendering av overgangar og tekstpålegg var gjort. Når ein kamp omfattar 50.000 – 60.000 bilete tek det si tid. Vi snakkar om over natta og utover påfølgjande dag.

Mi erfaring er at Pinnacle Studio 15 antageleg er så gamal at programmet ikkje kan hente hjelp frå maskinvareakselerasjon som ligg i nyare Intel-prosessorar kalla Intel QuickSync Video. Etter kvart enda jobben opp med at eg valde å eksportera full HD til eit lettare videoformat enn MP4 og rekoda fila til MP4 i full HD og HD ved hjelp av HandBrake.

Albumet under viser eksempel på innstillingane som må til for å få hjelp av Intel QuickSync Video samt effekten. Pass på å stille inn Video Codec to H.264 (Intel QSV) under fana Video. I tillegg set du gjennomsnittleg bitrate. Eg brukte 6000 kbps for video i HD og 12000 kbps for full HD.

Når CPU gjorde jobben, med i mitt tilfelle deinterlacing* og omkoding, låg det på 4-5 bilete i sekundet. Når Intel QuickSync Video tek jobben, går det 10 gonger raskare. Slepp du deinterlacing, går det unna inntil 20 gonger raskare eller med 100 bilete i sekundet.

*) Pinnacle Studio 15 genererte video i full HD som interlaced, sjølv om kjelda var progressiv. Sjølv om eg stilte Pinnacle Studio 15 manuelt inn til å kode 1920 x 1080 progressivt, valde programmet si eiga løysing. Eg fann aldri ut kvifor.

Adobe har stoppa med nummerserie i romartal og erstatta den med Adobe Acrobat Reader DC. Ein ting som har irritert meg storveges med denne versjonen er verktøystolpen som alltid tek opp ein god del av høgre sida av programmet.

Det er ingen stadar du kan slå han av under innstillingar. Eg søkte på nettet og såg at det var fleire som irriterte seg over denne. Det var ulike løysingar, men eg har valt ein som medfører redigering av ei fil. Her er kva du gjer med den norske versjonen av Adobe Acrobat Reader DC:

1. Leit deg fram til katalogen C:\Program Files (x86)\Adobe\Acrobat Reader DC\Reader\AcroApp\NOR
2. Koper fila fila Viewer.aapp ut til skrivebordet.
3. Opne fila på skrivebordet med Notisblokken.
4. Pass på at ho berre innheld tilsvarande:

    <Application xmlns="http://ns.adobe.com/acrobat/app/2014" title="Visningsprogram" id="Viewer" majorVersion="1" requiresDoc="true" minorVersion="0">
    </Application>

5. Lagre fila
6. Kopier fila tilbake til C:\Program Files (x86)\Adobe\Acrobat Reader DC\Reader\AcroApp\NOR

Etter dette skal Adobe Acrobat Reader DC opne seg utan den hersens stolpen.

Eg har brukt nettlesarar sidan før Netscape sin start og vore innom det meste. Felles for alle er at eg nyttar bokmerker ivrig og har over tid samla ei solid samling med bokmerker. No er det vel ikkje så mange att frå 90-talet. Med ujamne mellomrom, via ulike verktøy, har eg fått luka ut daude bokmerker.

Når eg skal undersøke ting, leggjer eg til bokmerker som eg seinare vil sjå over meir nøye. Då kan er det greit å få namngitt dei og ikkje minst sortert dei på enklaste vist. Eg veit då at t kjem etter s og det ikkje skal vere eit bokmerke på a mellom seg. Det har fungert fint hittil i Chrome, men bokmerkehandsaminga har nok virka litt 1995, om du skjønar kva eg meinar. Ho har vore enkel, men funksjonell og grei nok med meg.

Why fix it if it ain’t broken?

Nokon hjå Google har funne ut at bokmerkehandsaminga ikkje er fancy nok lenger. Eg viser til bilete. No er det store bokmerkeikon som gjeld. Eg har mistankar om at det er klargjering for at pølsefingrar skal dra dei rundt på skjermen. Pølsefingrar har ikkje noko på ein pc-skjerm å gjere. Det er knapt noko som irriterer meg meir enn fingermerke på pc-skjermen. Han skal for alltid vere tafsefri, nok om det.

Ja, det blir enklare å dra desse bokmerka rundt på skjermen med mus, men jammen tek dei stor plass. Eg er framleis så stødig på handa at eg traff perfekt bokmerker eg ville flytte mellom mapper i den gamle løysinga. Det verste med den nye løysinga blir avslørt når du klikkar på tannhjulet. Kva er borte? Jau, det er ikkje noko val der for å sortere bokmerka etter tittel/namn. Som du ser er bokmerka lagt inn fortløpane, men einaste moglegheit er å manuelt dra dei i alfabetisk rekkefølgje. I denne mappa er det ikkje så mange, men jammen blir det ein jobb med 30-40 bokmerker som skal sorterast.

No er vist ikkje alfabetisk sortering det einaste problemet. Chrome-brukerar er i harnisk og har sagt sin hjartens meining til Google her. Eg har òg sagt mi meining eit par tre gonger. Etter første postinga mi, eit par veker sidan, la eg merke til at Google hadde lagt til «Sort by Title» etter ei oppdatering av Chrome. Før Himmelspretten la eg merke til at det alternativet er teke vekk.

Framles kan du via adressa chrome://flags slå av den nye bokmerkehandsaminga, men sidan Google har for vane å fjerne gamle og «utdaterte» ting, vil retretten bli fjerna om ikkje så lenge. Eg har valt å gjere meg meir kjend med Firefox igjen. Der blir bokmerka håndtert på ein enkel måte samt ein får hjelp til å sortere dei. Ein anna fordel er at eg kan ha bokmerka som ein fast stolpe på venstre sida av skjermen. Sidan skjermane no er i vidt format, sparar eg ein del plass i høgda ved å sleppe bokmerkerada til Chrome. Med ein full HD-skjerm er det nok plass til ein slik stolpe.